30 сакавіка ў Кітаі,
са згоды Апостальскай Сталіцы, атрымаў біскупскае пасвячэнне 46 гадовы кс. Паўль Льянг
Йансэн. Ён узначаліць дыяцэзію Йангмэн.
Адносіны паміж камуністычным урадам
у Пекіне і Апостальскай Сталіцай значна пагоршыліся ў канцы 2010 г. з-за ўдзялення
біскупскай сакры без згоды Святога Айца.
Падчас VIII з’езду прадстаўнікоў кітайскіх
католікаў, у лістападзе мінулага года, адбыліся выбары старшыі Рады Кітайскіх Біскупаў,
вынікі якіх не прызнала Апостальская Сталіца, бо на чале гэтага органу стаў біскуп
Джозэф Ма Йінглін, які ў 2006 г. прыняў біскупскую сакру без згоды Святога Пасаду.
Біскуп Паўль Льянг Йансэн нарадзіўся ў 1964 годзе. Быў генеральным вікарыем
дыяцэзіі Йангмэн, якая налічвае каля 20 тысяч католікаў. У дыяцэзіі працуе сем святароў
і 20 законніц.