Каталіцкая служба дапамогі зноў дзейнічае ў Дарфуры
28 сакавіка Каталіцкая
служба дапамогі (CRS) абвясціла, што аднавіла сваю гуманітарную дзейнасць у Дарфуры.
Гэта адбылося не гледзячы на то, што тры дні таму прэс-сакратар гэтай дабрачыннай
арганізацыі, якая дзейнічае пад эгідай епіскапату ЗША, Сара Фаярдо паведаміла, што
атрымала ад урада ў Хартуме загад пакінуць Судан, паколькі ён не можа гарантаваць
бяспекі супрацоўнікам, якія атрымалі пагрозы, бо займаліся распаўсюджваннем Бібліі.
Каталіцкая
служба дапамогі (CRS) дзейнічае ў Судане з 1972 г. У Дарфуры яна прысутнічае з 2004
г. З’яўляецца адной з нямногіх няўрадавых арганізацый, якія да гэтага часу не былі
выдалены ўрадам Судану.
Паводле арганізацыі, калі б яна прыпыніла сваю харчовую
праграму, у Дарфуры 400 тысяч чалавек засталіся б без сродкаў да жыцця.