Крыжовы шлях у Калізеі: разважанні падрыхтуе законніца

Стала вядома, што тэксты разважанняў да традыцыйнага Крыжовага шляху, якія пройдзе ў Вялікую Пятніцу ў рымскім Калізеі, напіша сястра аўгустыніянка Марыя Рыта Пічонэ, настаяцельніца рымскага кляштару “Чатырох каранаваных святых”.

Акрамя таго, яшчэ адна сястра аўгустыніянка, Элена Магдалена, намалюе выявы да гэтага набажэнства. Яны будуць надрукаваны ў спецыяльным буклеце і выкарыстаны падчас тэлевізійнай трансляцыі Крыжовага шляху.