Бэнэдыкта XVI: рэлігіі не павінны баяцца сапраўднай і адкрытай свецкасці
Вечарам 25 сакавіка,
на плошчы перад парыжскім катэдральным саборам Нотр-Дам, адбылася трансляцыя відэапаслання
Бэнэдыкта XVI да ўдзельнікаў, ініцыятывы “Падворак язычнікаў”, якая на працягу двух
дзён праходзіла ў сталіцы Францыі.
“Я вельмі ўдзячны Папскай радзе па культуры,
якая адгукнулася на маю прапанову, адкрыць у Касцёле “падворак язычнікаў”, на падабенства
той прасторы, якая існавала побач з Ерузалемскім храмам. Гэта прастора, дазваляла
усім, хто не адносіўся да веры Ізраэля, наблізіцца да храма і пацікавіцца гэтай рэлігіяй.
У гэтым месцы можна было сустрэць кніжнікаў, паразмаўляць аб веры і памаліцца невядомаму
Богу. Калі, у тую эпоху, падворак быў месцам дзе збіраліся язычнікі, якім не дазвалялася
ўваходзіць у “святая святых”, то Езус Хрыстус прыйшоў для таго, каб разбіць сцяну
падзелаў паміж яўрэямі і язычнікамі”, - сказаў ў сваёй прамове Пантыфік.
Святы
Айцец дадаў: “У сэрцы, “горада Асветы”, перад шэдэўрам рэлігійнай французскай культуры,
якім з’яўляецца базыліка Нодр-Дам, зараз даецца новы імпульс для сяброўскай сустрэчы
паміж людзьмі розных поглядаў. Веруючыя і няверуючыя маладыя людзі, вы хочаце быць
разам у гэты вечар, таксама як і на працягу ўсяго жыцця. Многія з вас належаць да
розных рэлігій, але вы ўсе жадаеце новага свету – больш свабоднага, больш справядлівага,
больш салідарнага, мірнага і шчаслівага. Вы пакліканыя да таго, каб будаваць масты
паміж вамі. Вы маеце шмат, аб чым можаце распавесці іншым. Не закрывайце вашага сумлення
перад выклікамі і праблемамі якія сустракаеце”, заклікаў прысутных Папа.
Пантыфік
выказаў, надзею, што “веруючыя і няверуючыя ў Еўропе, знойдуць шляхі для дыялога”.
“Рэлігіі не павінны баяцца сапраўднай і адкрытай свецкасці, якая дазваляе кожнаму
верыць згодна са сваім сумленнем. Калі гаворка ідзе аб тым, каб збудаваць свет свабоды,
роўнасці і братэрства, веруючыя і няверуючыя павінны адчуваць сябе свабодна, роўна
і быць братамі адзін аднаму”, - адзначыў Святы Айцец.
“Спрыяць гэтаму братэрству
– адна з мэтаў “Падворка язычнікаў”. Спрыяць не звяртаючы ўвагі на асаблівасці перакананняў,
але ў той жа час і не адмаўляючы розніцы. Спрыяць, больш глыбока, вызнаючы, што толькі
Бог, у Хрысце, вызваляе нас унутрана і дорыць нам магчымасць сустрэцца як братам”,
- адзначыў Папа. Бэнэдыкт XVI заахвоціў маладых людзей быць больш адкрытымі “адзін
на аднаго, а таксама на бедных, хворых, самотных, тых хто пакутуе ад безпрацоўя і
адчувае сябе на ўзбочыне жыцця грамадства”.
Напрыканцы сваёй прамовы Пантыфік
заклікаў маладых людзей да супольнай малітвы, якая адбылася ў парыжскім катэральным
саборы.