NATO merr komandën e operacioneve në Libi. Në fermentim, diplomacia.
(25.03.2011 RV)NATO-ja merr në dorë komandën e të gjitha operacioneve ushtarake
në Libi. Lajmi u dha në kuadrin e përpjekjeve të ethshme diplomatike pwr tw dalw nga
situata e krijuar. Nw Adis Abeba, nw një takim ndërmjet Bashkimit Afrikan dhe regjimit
të Muhamar Gedafit, u fol për mundësinë e organizimit të zgjedhjeve në vend. Ministri
i jashtëm britanik, Uiliam Hagë kërkoi që trupat e Tripolit të tërhiqen nga të gjitha
qytetet e rrethuara, si për shembull, Misrata, përndryshe armëpushimi i shpallur nga
qeveria nuk do të konsiderohet i besueshëm. Mungonin përfaqësuesit e Këshillit Kombëtar
të Tranzicionit, pasi kryengritësit janë shprehur se nuk kanë ndërmend të dialogojnë
me kolonelin. Sipas rebelëve, që nga 17 shkurti, datë e fillimit të revolucionit libian,
kanë humbur jetën 8-10 mijë vetë. Gjithashtu, njoftojnë se në Axhedabija vazhdojnë
bombardimet. Nga ana tjetër, regjimi bën të ditur se sulmet e djeshme ajrore të koalicionit
perëndimor në Taxhura, kanë shkaktuar 15 viktima. Atmosferë e ndryshme ndihet në Bengazi,
ku edhe imami i qytetit të kryengritësve deklaroi se bombardimet e koalicionit bëhen
për të mbrojtur civilët nga raprezaljet e Gedafit dhe se janë kërkuar nga opozita. Nga
Brukseli, ku u mblodh Këshilli Evropian, presidenti francez Nikolas Sarkozì deklaroi
se Parisi dhe Londra po bëjnë gati propozimin për një “zgjidhje diplomatike e politike”
të gjendjes në Libi.