Այսօր 24 մարդ 2011 Փարիզի մէջ սկիզբ կ՛առնէ <<Ոչ հաւատացեալներու Գաւիթ>> անուամբ վատիկանի
նոր ծրագիրը որուն նպատակն է երկխօսութիւն հաստատել հաւատացեալներու եւ ոչ հաւատացեալներու
միջեւ։ Այս առթիւ նախատեսուած են զանազան ձեռնարկներ կազմակերպուած Քահանայապետական Մշակութային
Խորհուրդի կողմէ եւ նախագահութեամբ սոյն խորհուրդի Նախագահ Կարտինալ Ճիանֆրանքօ Ռավազիին։
Եզրափակիչ արարողութիւնը նուիրուած է երիտասարդութեան` եւ տեղի պիտի ունենայ Փարիզի
Նոդր Տամ Տաճարի հրապարակը , որուն իր մասնկցութիւնը կը բերէ Պենետիկտոս ԺԶ սրբազան Քահանայապետը
Հռոմէն լսատեսողական կապի միջոցաւ պատգամ մը ուղղելով երիտասարդութեան։ Վերջին հանդիպումը
ունի չորս գլխաւոր նիւթեր <<մարդ արարածը եւ տիեզերքը>>, <<տառապանքը>>, <<յոյսը>>, <<գեղեցկութեան
եւ սիրոյ ուղին>>։ Փարիզի այս երկօրեայ հանդիպումը հիմնաքարն է <<Ոչ հաւատացեալներու
Գաւիթ>> ի ծրագրին որ 2011ին տեղի պիտի ունենայ նաեւ Դիրանա (Ալպանիայ) եւ Սթոգհոլմա
(Շուետ)։ Իսկ 2012 նախատեսուած է հանդիպում մը Բրակայի կաթողիկէ Ակատեմեայի մէջ։