Мінск: суіцыд – разбурэнне духа асобы і мутацыя душы
2474 выпадкі самагубстваў
былі зафіксаваны ў Беларусі ў 2010 годзе. Гэтыя лічбы, аднак не ўлічваюць няўдалыя
спробы суіцыдаў, прывёўшыя ў большасці выпадкаў да інвалідызацыі. Над узнятай праблемай
разважаюць у гэтыя дні ў Мінску на навукова-практычным семінары “Псіхалагічныя і духоўныя
прычыны суіцыда: страгэгіі дапамогі і прафілактыкі”. У працы семінара прымаюць удзел
беларускія і расійскія вучоныя – псіхатэрапеўты, псіхолагі, педагогі, прадстаўнікі
духавенства, а таксама неабыякавыя людзі, якія аказваюць дапамогу ў гэтай сферы, удзельнічаючы
ў недзяржаўных праектах.
Сярод прычын самагубстваў былі выдзелены дзве ўзаемадапаўнаючыя
сферы: псіхалагічная і, перш за ўсё, духоўная. “Трэба ўзгадаць, што перад тым, як
чалавек пакідае фізічнае жыццё, да наступлення гэтага моманту канстатуецца разбурэнне
духа асобы, мутацыя душы і як вынік – рашэнне асобы пакінуць сваё жыццё” – адзначае
архімандрыт Аўгыстын, настаяцель прыхода Унебаўшэсця Хрыстовага пры Патрыяршым Падворку,
духаўнік Цэнтра крызіснай псіхалогіі.
Чалавек які жыве без веры, забывае пра
тое, што ён створаны на падабенства Божае і створаны да вечнага жыцця душою і целам.
Было адзначана, што сярод шчыра веруючых людзей, за выключэннем маючых псіхічныя хваробы,
амаль не здараецца выпадкаў суіцыдаў. Сярод краін з пераважна веруючым насельніцтвам
праблема суіцыдаў існуе ў значна меньшай ступені.
На сённяшні дзень у Беларусі
асобы якія спрабавалі скончыць жыццё самагубствам ці маюць намер зрабіць гэта, могуць
атрымаць дапамогу на базе РНПЦ псіхічнага здароў’я, Цэнтра вывучэння памежных псіхічных
станаў. У кожнай вобласці існуюць тэлефоны даверу. На базе Мінскага абласнога інстытута
развіцця адукацыі праводзіцца падрыхтоўка педагогаў да магчымых выпадкаў працы з падлеткамі
схільнымі да сабагубстваў. Сярод праблем была адзначана невялікая ў параўнанні з
Расіяй, колькасць недзяржаўных ініцыятыў і крызісных цэнтраў.
Асаблівую цікавасць
у удзельнікаў выклікалала існуючая ў інтэрнеце група місіянерскіх праваслаўных сайтаў,
дапамагаючых людзям выйсці з крызісных жыццевых сітуацый. Па словах стваральніка,
узгаданыя рэсурсы штодзённа наведваюць 2,5 тысячы чалавек, ў тым ліку вялікая колькасць
з Беларусі.
Канферэнцыя будзе працаваць ў Мінску да 25 сакавіка і арганізатары
і удзельнікі выказваюць упэўненнасць, што яна прынясе адчувальны эфект у сферы дапамогі
і прафілактыкі суіцыдаў у краіне.