Канада: паўстала змешаная каталіцка-пратэстанцкая камісія
24 сакавіка ў Таронта
(Канада) пачала працу змешаная камісія Канферэнцыі Каталіцкіх Біскупаў Канады і Хрысціянска-місіянерскага
альянса. Стварэннем камісіі канадскі епіскапат пацвярджае імкненне спрыяць развіццю
міжрэлігійнага дыялога. Падобныя экуменічныя сустрэчы ўжо некалькі разоў адбываліся
з прадстаўнікамі праваслаўных, англіканскіх, яўрэйскіх арганізацый Амерыкі.
Кантакты
з Хрысціянска-місіянерскім альянсам пачаліся ў 2008 г. Іх мэта –лепшая каардынацыя
і пошук агульных шляхоў хрысціянскага сведчання ў Канадзе. Менавіта ўзмацненне прысутнасці
хрысціян у Канадзе, з’яўляецца галоўнай тэмай першай фазы працы змешанай камісіі.
“Неабходна, каб хрысціяне маглі знайсці спосаб зрабіць больш бачнай сваю евангелізацыйную
місію, асабліва ў такім секулярызаваным грамадстве, як канадскае”, - адзначыў прадстаўнік
альянса Дэвід Фрыман.
Падчас пасяджэння камісіі абмяркоўваюцца пытанні аб
сям’і, Святым Пісанні, цэнтальным месцы Хрыста ў жыцці супольнасці. Таксама бакі дзеляцца
меркаваннямі наконт таго, якім чынам яны сведчаць аб сваёй прыналежнасці Хрысту і,
як у святле ўласнага вопыту можна абвяшчаць ў канадскім грамадстве веру ў Хрыста,
Найсвяцейшую Тройцу, Боскую прыроду, і чалавечыя каштоўнасці, натхнёныя Евангеллем.
Хрысціянска-місіянерскі альянс, з’яўляецца пратэстанскай арганізацыяй, якая
ўключае ў сябе каля 430 супольнасцяў. Яны займаюцца місіянерскай дзейнасцю ў Канадзе
і многіх іншых краінах свету.