24 Mars 1999, NATO filloi bombardimin kundër Jugosllavisë
Më 24 mars 1999, NATO filloi sulmet ajrore kundër Jugosllavisë me bombardimin e pozicioneve
ushtarake serbe në Kosovë. Ofensiva e NATO-s erdhi në përgjigje të një vale të re
të spastrimit etnik të lançuar nga forcat serbe kundër shqiptarëve të Kosovës më 20
mars. E Kosova kujtoi sot 12 vjetorin e ndërhyrjeve të NATO-së që shënuan edhe fillimin
e përfundimit të agonisë së shqiptarëve të Kosovës nën regjimin e Serbisë së Millosheviqit. Përveç
pozicioneve ushtarake serbe, fushata ajrore e NATO-s vuri nën shënjestër edhe godinat
qeveritare në Serbi si dhe infrastrukturën e vendit, me synim destabilizimin e regjimit
të Milosheviçit. Ndërkohë ofensiva serbe në Kosove përzuri nga vendi dhjetëra qindra
mijëra shqiptarë të Kosovës në drejtim të fqinjëve, Shqipëri, Maqedoni e Mali i Zi.
Shumë nga këta refugjatë u dërguan në SHBA e në vende të tjera të NATO-s. Më 10 qershor,
bombardimet e NATO-s përfunduan, kur Serbia ra dakord për një marrëveshje paqeje,
për tërheqjen e trupave të saj nga Kosova dhe zëvendësimin e tyre me trupat paqeruajtëse
të NATO-s. Më 12 qershor, forcat e NATO-s hynë në Kosovë nga Maqedonia. Në të njëjtën
ditë, forcat ruse arritën në kryeqytetin Prishtinë duke e shtrënguar NATO-n të pranonte
një okupim të përbashkët.