Японскі біскуп пра атамную бяспеку: энергія – гэта дар Бога для чалавека
Сённяшнее выданне
“L’Osservatore Romano” змяшчае інтэрв’ю з арцыбіскупам Нагасакі Мітсуакі Такамі.
Іерарх выказвае сваё меркаванне аб падзеях на атамнай электрастанцыі “Фукусіма-1”.
Ён адзначае ахвярнасць тых, хто застаецца на станцыі і займаецца яе абслугоўваннем,
не гледзячы на высокі ўзровень радыяцыі на ёй. Японцаў моцна турбуе сёння забруджванне
навакольнага асяроддзя нуклідамі. Але яны захоўваюць спакой і валоданне сабой.
“Цяперашняя
сітуацыя з’яўляецца вынікам сур’ёзных стыхійных бедстаў, якія маглі б мець меншыя
наступствы, калі б былі дастаткова хутка папярэджаныя” - сказаў арцыбіскуп Нагасакі.
На думку іерарха, шок выкліканы выбухамі атамных бомбаў у Хірасіме і Нагасакі, прысутны
ў грамадстве, стаў больш адчувальны ў сувязі з апошінмі падзеямі.
У Японіі
дзейнічае 50 атамных элетрастанцый, якія дастаўляюць чвэрць агульнай колькасці электраэнергіі
ў краіне. Іх затрыманне, на думку арцыбіскупа Такамі, можа прывесці да эканамічнага
шоку. Але можна палепшыць стандарты бяспекі і развіваць іншыя, больш бяспечныя крыніцы
энергіі, лічыць японскі іерарх. “Як біскуп - адзначыў ён - магу сказаць, што энергія
з’яўляецца дарам Бога для чалавека і павінна выкастоўвацца толькі для агульнага дабра”.