Պենետիկտոս ԺԶ Սրբազան Քահանայապետին Գերմանիա Կատարելիք Այցելութեան Բնաբանն Է. ''Ուր
Աստուած Կայ, Այնտեղ Է Ապագան ''։
Գերմանիոյ եպիսկոպոսական դասը, մամուլին յայտնած է Պենետիկտոս ԺԶ Քահանայապետին 22-25
սեպտեմբերին կատարելիք առաքելական ճամբորդութեան բանաբանը ''Ուր Աստուած կայ, այնտեղ
է ապագան ''։ Այս խօսքը առնուած է Սրբազան Քահանայապետին Աւստրիոյ մէջ արտասանած խօսքէն
8 սեպտեմբեր 2007ին։ Գերմանացի եպիսկոպոսները ընդգծեցին թէ՝ պէտք է նկատի առնուի
օտարներու ներկայութիւնը Սրբազան Քահանայապետին կատարելիք ծիսակատարութիւններուն, քանի
որ կը նախատեսուի մասնակցութիւնը մեծ թիւով օտարներու ։ Նշենք թէ Պերլինի կաթողիկէներուն
5 տոկոսը օտարներ են, առանց հաշուելու ֆրանսացիները, զուիցերացիները եւ Աւստրիացիները։
Նոյնպէս եպիսկոպոսները խօսեցան Սրբազան Քահանայապետին ճամբորդութեան համամիութենական
ծաւալին մասին, նկատի ունենալով լիւտերականներու ներկայութիւնը Էրֆուրդ` Թիւրինկ մարզին
մէջ։