Кардынал Грахалеўскі: адсутнасць арыенціраў і нізкая якасць выкладання філасофіі
22 сакавіка ў залі
імя Яна Паўла II прэс-цэнтра Апостальскай Сталіцы прайшла прэзентацыя Дэкрэта аб рэформе
навучання філасофіі ў касцёльных установах. Гаворачы аб новым дакуменце, кардынал
Зянон Грахалеўскі, прэфект Кангрэгацыі Каталіцкай Адукацыі, сказаў, што яго дыкастэрыя
імкнецца дапамагчы каталіцкім адукацыйным установам у дасягненні іх місіі.
На
гэты момант існуюць два нарматыўных дакументы, якія рэгулююць сферу каталіцкай адукацыі,
у тым ліку навучанне філасофіі: Апостальская канстытуцыя Яна Паўла II “Sapientia cristiana”
1979 года і Нормы дзейнасці Кангрэгацыі Каталіцкай Адукацыі, выдадзеныя у тым жа годзе.
“Аднак, у зменлівых гістарычных і культурных умовах паўстае патрэба зменаў таксама
і ў касцёльным жыцці, у тым ліку і ў акадэмічным свеце”, - падкрэсліў кардынал Грахалеўскі.
Іерарх адзначыў, што кангрэгацыя ўжо правяла частковую рэформу на факультэтах
Кананічнага права і ў Вышэйшых рэлігійных навучальных установах. Такім чынам, узнікла
неабходнасць і ў рэформе навучання філасофіі.
Кардынал Грахалеўскі, кажучы
аб патрэбе такога дакументу, заўважыў, што “слабы бок філасофскай падрыхтоўкі ў многіх
касцёльных установах адзначаецца адсутнасцю арыенціраў, асабліва што тычыцца навуковых
матэрыялаў і якасці выкладання. Гэты недахоп суправаджаецца сёння таксама крызісам
філасофскіх даследаванняў у цэлым, калі розум знаходзіцца пад пагрозай утылітарызму,
скептыцызму, рэлятывізму, адсутнасці веры ў патрэбу ведаць праўду аб фундаментальных
праблемах жыцця, адмовы ад метафізікі”. У такіх умовах канцэпцыя філасофіі становіцца
размытай.
“З другога боку, - сказаў на прэс-канферэнцыі кардынал Грахалеўскі
- існуе перакананне, выказане ў энцыкліцы Яна Паўла ІІ “Fides et ratio”, што падкрэсленне
філасофіі ў яе метафізічных кампанентах, мае "вялікае значэнне для пераадолення крызісу,
які пранікае сёння ў шматлікія сектары гэтай навукі і выпраўлення некаторыя памылковых
паводзінаў, распаўсюджаных у нашым грамадстве", а таксама ўсведамлення таго, што філасофія
мае важнае значэнне для фарміравання тэалогіі.
Прэфект Кангрэгацыі Каталіцкай
Адукацыі адзначыў, што філасофія пра якую трэба казаць сёння ў катэксце каталіцкіх
навучальных устаноў, павінна абвяргаць няправільны падзел паміж розумам і верай, адкрыццё
першага на другую, і патрэба падтрымкі веры праз розум.
Тэкст Дэкрэта аб рэформе
навучання філасофіі ў касцёльных установах быў зацверджаны на звычайным пасяджэнні
Кангрэгацыі Каталіцкай Адукацыі 16 чэрвеня 2010 года. Пасля гэтага ён быў перададзены
для вывучэння ў Кангрэгацыю Веравучэння і Папскую раду па інтэрпрэтацыі заканадаўчых
тэкстаў.