«Կը Մաղթենք, որ Ռայի բոլոր Լիբանանցիներու Միաւորողը ըլլայ » Շեշտեց Յակոբ Բագրատունի։
Հայկական երեսփոխանական պլոքի ներկայացուցիչ, երեսփոխան Յակոբ Բագրատունի յայտնեց, որ
Պշարա Ռայի պատրիարքը լիբանանցիներուն եւ քրիտոնեայ համայնքին դիմագրաւած դժուար հանգրուաններուն
ընթացքին պատրիարք ընտրուած է: Ան շեշտեց, որ Ռայի պատրիարքը հոգեւոր մեծ հեղինակութիւն
է բոլոր քրիստոնեաներուն համար` մաղթելով, որ ան բոլոր լիբանանցիները միաւորողը ըլլայ: «Մենք
կը հաւատանք, որ Ռայի պատրիարքը կարողութիւնը ունի ստանձնելու այդ հսկայ պատասխանատուութիւնը
եւ մենք մեր բոլոր կարելիութիւնները անոր տրամադրութեան տակ կը դնենք», ըսաւ ան` նշելով,
որ մենք նոր հանգրուանի մը դիմաց կը գտնուինք եւ կ՛ակնկալենք, որ ան քրիստոնեայ բոլոր
կողմերը համախմբէ: