Սուտանի Մէջ Եկեղեցիները Մտահոգ Են Երկրին Մէջ Տեղի Ունեցող Բռնարարքներուն Ի Տես։

Սուտանի եկեղեցիներու պատասխանատուները ժողով մը գումարած են , Ժուպայի մէջ, հանրաքուէէն ետք, քննարկելու՝ Սուտանի ներկայ կացութիւնը եւ ապագայի մարտահրաւէրները։ Եպիսկոպոսները, իրենց յայտարարութեան մէջ յանձն առած են արթուն մնալ. հսկել ու չլռել անարդարութեան ու մարդու իրաւունքերու զանցառութեան ի տես։ Անոնք շնորհաւորած են հանրաքուէի խաղաղ ընթացքը, միաժամանակ ցաւ կը յայտնեն ի տես բռնութիւններուն որոնք տակաւին կը շարունակուին, ուստի կը խոստանան առաւել ճիգ թափել սատարելու ազգի բարւոքումին ու ժողովուրդին մէջ հաշտութեան ի խնդիր, ու գործելու խաղաղութեան ու արդարութեան վերակերտումին համար։ Յայտարարութեան մէջ եպիսկոպոսները կը հաստատեն թէ Սուտանի Հիւսիսային եւ Հարաւային մասերը իրենց անկախութիւնը պահելով հանդերձ միասնաբար պիտի համագործակցին երկու պետութիւններու բարգաւաճումին համար։