Украіна: Сінод грэка-каталіцкай Царквы абярэ Вярхоўнага арцыбіскупа
21 сакавіка ў Львове
пачаўся Сінод Украінскай грэка-каталіцкай Царквы, падчас якога будзе абраны новы Вярхоўны
арцыбіскуп Кіева-Галіцкі. Ён зменіць кардынала Любаміра Гузара, сышоўшага ў адстаўку
па прычыне ўзросту.
Сінод, які адбываецца пад старшынствам арцыбіскупа Ігара
Возняка, будзе працягвацца да 24 сакавіка. У ім прымае ўдзел 45 іерархаў з Амерыкі,
Еўропы і Акіяніі. Яны застануцца ў Львове да зацвярджэння выбару новага Вярхоўнага
арцыбіскупа папам Бэнэдыктам ХVI. Цырымонія інтранізацыі новага кіраўніка ўкраінскай
грэка-каталіцкай Царквы запланавана на 27 сакавіка ў Саборы Уваскрасення Хрыстовага
ў Кіеве. Сінод, як заканадаўчы орган Украінскай грэка-каталіцкай Царквы, склікаецца
раз у год. Ён вызначае ўнутраную і знешнюю палітыку Царквы і прымае рашэнні па пастырскіх,
экуменічных і адукацыйных пытаннях.
Кардынал Гузар кіраваў Украінскай грэка-каталіцкай
Царквой пасля смерці кардынала Міраслава Івана Любачыўскага і быў першым кіраўніком
гэтай Царквы, абраным пасля выхаду з падполля. У свеце налічваецца каля 6,5 мільёнаў
вернікаў Украінскай грэка-каталіцкай Царквы, большасць з якіх пражывае на радзіме.