21 сакавіка Бэнэдыкт
XVI прыняў на аўдыенцыі першую групу індыйскіх біскупаў, якія прыбылі ў Рым з візітам
“ad limina apostolorum”. У інтэрв’ю нашаму радыё кардынал Освальд Грасіяс, арцыбіскуп
Бамбею і старшыня Канферэнцыі Каталіцкіх Біскупаў Індыі распавёў аб сітуацыі ў гэтай
краіне.
Іерарх адзначыў, што “мясцовыя ўлады і паліцыя вельмі пасіўна ўспрымаюць
напады на хрысціянаў, што вельмі часта вымушае іх шукаць ратунку хаваючыся ў лясах
ці пакідаючы краіну”.
Кардынал сказаў, што Каталіцкі Касцёл у краіне мае вельмі
добрыя адносіны з прадстаўнікамі розных рэлігійных супольнасцяў. У 25 гадавіну візіту
Яна Паўла ІІ у Індыю адбыўся вялікі форум, у якім прымалі ўдзел лідэры індуістаў,
мусульманаў і хрысціянаў.
“Я думаю, што Індыя і індыйскі Касцёл могуць даць
свету прыклад глыбокай рэлігійнасці людзей. - арцыбіскуп Бамбею - Негледзячы на хуткі
эканамічны рост краіны, рэлігійны фактар застаецца вельмі важным у грамадстве”.
Хрысціяне
складаюць толькі 2,3 працэнта насельніцтва Індыі, гэта каля 25 млн. чалавек. Мясцовы
Касцёл вядзе актыўную працу ў сферы адукацыі і дапамогі бедным. Нажаль, негледзячы
на развіваючыся міжрэлігійны дыялог, хрысціянская супольнасць часта становіцца аб’ектам
дыскрымінацыі і пераследаў.