Libi: OKB, Këshilli i Sigurimit do të mblidhet në ora 20
Këshilli i Sigurimit të Kombeve të Bashkuara mblidhet sot në ora 15.00 të Nju Jorkut
(20 evropiane) për të diskutuar për situatën në Libi. “Do të diskutohen zhvillimet
e fundit”, pohuan për agjenci të lajmeve diplomatë që do të marrin pjesë në mbledhjen
e të Pesëmbëdhjetëve. Qeveria e Tripolit, përmes ministrit të Jashtëm Musa Kusa,
pat kërkuar që Këshilli i Sigurimit të mblidhet me urgjencë. Mirëpo, zyrtarisht, kërkesa
e mbledhjes së sotme ka ardhur nga Rusia, edhe për arsye se nuk është e qartë se kush
do të përfaqëson Libinë në Pallatin e Qelqtë, meqenëse i tërë delegacioni është rebeluar
ndaj liderit Gedafi. Koloneli pat kërkuar emërimin e një delegati të ri, Ali Treki,
i cili ende nuk ka paraqitur Letrat kredenciale pranë Pallatit të Qelqtë e as nuk
ka arritur në SHBA-së. Kështu delegacioni i Libisë vazhdon të drejtohet nga Abduharram
Shalgam, ish ministër i Jashtëm e ish ambasador i Libisë në Itali, i cili i ka kthye
shpinën Gedafit.