Кардынал Джон Патрык
Фолі (John Patrick Foley) сышоў у адстаўку з паста Вялікага магістра Ордэна рыцараў
Святога Гроба Ерузалемскага, адзначаецца ў камюніке лацінскага патрыярхата Іерусаліма,
якое цытуе агенцтва “ZENIT”.
Джон Патрык Фолі нарадзіўся ў 1935 г. у Дэрбі,
архідыяцэзія Філадэльфія ў ЗША. Доўгія годы з’яўляўся старшынёй Папскай рады па сродках
масавай камунікацыі. Папа Бэнэдыкт XVI узвёў іерарха ў годнасць кардынала-дыякана
ў 2007 г. і прызначыў яго Вялікім магістрам Ордэна рыцараў Святога Гроба Ерузалемскага.
Кардынал Фолі прадставіў прашэнне аб адстаўцы на імя кардынала Дзяржсакратара
Тарчызіо Бэртонэ 8 лютага гэтага года. У якасці абгрунтавання сваёй просьбы іерарх
указаў цяжкі стан здароўя. Сустрэўшыся з папам Бэнэдыктам XVI 10 лютага, кардынал
адбыў на радзіму – у Філадэльфійскую архідыяцэзію, дзе ў цяперашні час знаходзіцца
ў пансіянаце для святароў.
Кардынал Фолі шмат зрабіў для абароны правоў хрысціянаў
у Святой Зямлі, адзначаецца ў камюніке Лацінскага Патрыярхата Іерусаліма. У прыватнасці,
пад яго апекай знаходзіўся Бэтлеемскі ўніверсітэт.