Imzot Velio në Aman: Kisha të ngrejë zërin në mbrojtje të refugjatëve!
Kryetari i Këshillit Papnor për baritorinë e emigrantëve dhe endacakëve, imzot Antonio
Maria Velio, ndodhet në Aman të Jordanisë, për një vizitë kushtuar problemeve
të emigracionit. Gjatë vizitës, po takohet me përfaqësues të autoriteteve civile e
fetare, me ambasadorë e përfaqësues të Komisariatit të Lartë të Kombeve të Bashkuara
për Refugjtët, me disa organizata jo qeveritare, të impenjuara në asistencën e refugjatëve,
si Shërbimi i Jezuitëve për Refugjatët dhe Karitasi. Do të bisedojë edhe me disa familje
refugjatësh nga Iraku dhe nga bashkësitë famullitare irakiane. Jordania, që ka rreth
gjashtë milionë banorë, strehon sot më se 500 mijë refugjatë irakianë si dhe 300 mijë
punëtorë emigrantë. Sot pasdite prelati u takua me përfaqësuesit e Organizatave
katolike, të cilëve u drejtoi një fjalim kushtuar punën baritore në gjirin e refugjatëve.