Кардынал Кох: пытанне аб сустрэчы Папы і Патрыярха не стаіць на парадку дня
Пытанне аб сустрэчы
папы Бэнэдыкта XVI і Патрыярха Кірыла пакуль не з'яўляецца прыярытэтным для двух бакоў.
Аб гэтым заявіў у Маскве старшыня Папскай рады спрыяння хрысціянскаму адзінству кардынал
Курт Кох. "Пытанне аб сустрэчы не стаіць на парадку дня. І Святы Айцец, і Патрыярх
жадаюць, каб гэтая сустрэча адбылася, але яна павінна быць вельмі сур’ёзна падрыхтавана",
- заявіў кардынал Кох журналістам.
Яго словы супадаюць з пазіцыяй, якую неаднаразова
агучвалі ў Маскоўскім Патрыярхаце: там не абвяргаюць саму магчымасць такой сустрэчы,
але лічаць, што спачатку неабходна вырашыць усе супярэчнасці ў двухбаковых адносінах.
Па словах самаго старшыні Папскай рады спрыяння хрысціянскаму адзінству, у
двух Цэркваў ёсць нявырашаныя пытанні ў рамках Змешанай міжнароднай камісіі па праваслаўна-каталіцкім
тэалагічным дыялогу, "існуюць праблемы на Украіне" паміж праваслаўнымі і грэка-католікамі.
У той жа час кардынал дадаў, што ўзровень ўзаемадзеяння паміж патрыярхам Кірылам
і Бэнэдыктам XVI "дае падставы меркаваць, што сустрэча паміж імі ў канцы канцоў адбудзецца".
"Сучасная Еўропа ўсё больш і больш адыходзіць ад рэлігійных каштоўнасцяў, і кожная
Царква заклікана сведчыць аб хрысціянскай традыцыі, аб сваёй веры і каштоўнасцях.
Вельмі важна, каб гэта было наша сумеснае сведчанне", - падкрэсліў кардынал Кох, адказваючы
на пытанні журналістаў.