У сувязі з 500-годдзем
Рэфармацыі, якое будзе адзначацца ў 2017 г., каталіцкія біскупы Германіі бачаць добрыя
магчымасці для новай ацэнкі асобы Марціна Лютэра сумесна з Лютэранскай Царквой. "Мы
павінны рухацца наперад у напрамку агульнага падыходу да асобы Лютэра і яго рэлігійных
рэформ", - сказаў адказны за экуменічны дыялог у нямецкім епіскапаце, біскуп Герхард
Людвіг Мюлер. З каталіцкага пункту гледжання значна тое, што Лютэр моцна падкрэсліў
важнасць Бібліі ў жыцці і навучанні Касцёла і паказаў на неабходнасць пастаяннага
абнаўлення Касцёла. Аднак рэабілітацыю Лютэра з боку Каталіцкага Касцёла, біскуп Мюлер
лічыць немагчымай.
Існуюць значныя супярэчнасці паміж навучаннем Лютэра і
дактрынай Каталіцкага Касцёла, заявіў біскуп Рэгенсбурга. Ён падкрэсліў, што Касцёл
жадае распачаць новыя даследаванні адносна асобы Лютэра. Таму ў 2014 г. адбудзецца
адмысловы навуковы сімпозіўм у Эрфурце. Іерарх сказаў, што "500 гадоў расколу не павінны
стаць прычынай для трыўмфу, або ўзаемных абвінавачванняў". У цэнтры святкавання юбілею
Рэфармацыі павінна быць "агульнае сведчанне Хрыста" важнае для абодвух супольнасцяў.