Прымас Шатландыі: знешняя палітыка Вялікабрытаніі – антыхрысціянская
“Хопіць аказваць фінансавую
падтрымку краінам, якія пераследуюць хрысціянаў”, - так Прымас Шатландыі адрэагаваў
на паведамленне аб падваенні ўрадам Вялікабрытаніі фінансвавай дапамогі Пакістану.
Кардынал Кэйт О’Браен абураны тым, што ўрад Кэмерона выдзяляе гэтай мусульманскай
краіне амаль мільярд фунтаў і не ўзгадвае аб правах хрысціянаў.
На думку арцыбіскупа
Эдынбурга павелічэнне дапамогі менавіта цяпер, калі ў гэтай краіне здзяйсняюцца напады
на паслядоўнікаў Хрыста, і забіваюцца палітыкі, якія іх абараняюць, з’яўляецца доказам
антыхрысціянскай знешняй палітыкі Вялікабрытаніі. “Я патрабую, каб міністр замежных
спраў Уільям Гейн атрымаў ад Пакістана і ад арабскіх краін гарантыі павагі да свабоды
веравызнання, перш чым перадасць дапамогу з дзяржаўнага бюджэту”, - сказаў Прымас
Шатландыі.