Галоўны герой ватыканскіх рэкалекцый – Ян Павел II
У Ватыкане распачаліся
Велікапосныя рэкалекцыі, у якіх прымае ўдзел папа Бэнэдыкт XVI. Запрошаны ў гэтым
годзе весці духоўныя практыкаванні для Папы і яго супрацоўнікаў з Рымскай курыі айцец
Франсуа-Мары Летэль, выкладчык Папскага тэалагічнага факультэта “Teresianum” і сакратар
Папскай тэалагічнай акадэміі, тэмай сваіх разважанняў абраў: "Святло Хрыстова ў сэрцы
Касцёла – Ян Павел II і тэалогія святых". У сувязі з рэкалекцыямі з 13 па 19 сакавіка
не будзе папскі аўдыенцый, у тым ліку агульнай аўдыенцыі ў сераду, 16 сакавіка.
Сёлетнія
рэкалекцыі, звязаны з маючай адбыцца беатыфікацыяй Яна Паўла ІІ 1 мая гэтага года,
і не маюць прэцэдэнту ў гісторыі Касцёла. Аб гэтым кажа інаўгурацыйнае разважанне,
якое французскі кармэліт прамовіў у нядзелю вечарам, на тэму "Беатыфікацыя Яна Паўла
II у святле Уваскрослага Хрыста, Святла свету, асвятляючага наш шлях да святасці".
Шаснаццаць іншых разважанняў будуць датычыць постаці папы Яна Паўла II, яго
набажэнства да Божай Міласэрнасці, марыйнай пабожнасці, дакументаў, а таксама святых
і благаслаўлёных, якіх ён абвясціў падчас свайго доўгага пантыфікату.
Ватыканскія
рэкалекцыі пачаліся ў нядзелю ў 18.00 у капліцы "Redemptoris Mater" Апостальскага
Палацу малітвай нешпараў.
У будныя дні духоўныя практыкаванні будуць пачынацца
ютранню з медытацыяй ў 9.00 гадзін. У 10.15 прадугледжана паўднёвая літургія гадзін
і другое разважанне. Трэцяе разважанне будзе распачынацца ў 17.00, пасля яго ўдзельнікі
памоляцца нешпарамі, пасля якіх адбудзецца эўхарыстычная адарацыя.
Рэкалекцыі
завершацца ў суботу 19 сакавіка, ва ўрачыстасць св. Юзафа, апекуна паўсюднага Касцёла,
у дзень імянін Ёзэфа Ратцынгера.