Бэнэдыкт XVI: грэх не з'яўляецца тым жа, што "пачуццё віны"
13 сакавіка на Плошчы
св. Пятра папа Бэнэдыкт XVI традыцыйна сустрэўся з вернікамі на малітве “Анёл Панскі”.
У сваіх разважаннях Пантыфік падкрэсліў, што Вялікі пост – гэта час напружанай барацьбы
супраць зла і граху. Папа заклікаў вернікаў перайсці на бок Хрыста ў барацьбе супраць
граху.
"Дарагія браты і сёстры!
Сёння – першая нядзеля Вялікага
посту – саракадзённага літургічнагачасу, які ў Касцёле,
з'яўляецца духоўным падарожжам, якое рыхтуеда Вялікадня.
Падчас яго важным з'яўляецца наследаванне Хрыста, які рашуча кіруеццаў
бок Крыжа, што з'яўляецца кульмінацыяй яго місіі збаўлення. Калі мы зададзём сабе
пытанне: чаму Вялікі пост? Чаму крыж?, то радыкальны адказтакі:
таму што ёсць зло, больш таго - грэх, які, паводле Святога Пісання, з'яўляецца глыбокай
прычынай усялякага зла. Але гэта сцвярджэнне не зусім усведамляецца, і многія не прымаюць
самаго слова "грэх", таму што яно прадугледжвае рэлігійнае бачанне свету і чалавека.
На самой справе, гэта праўда, што, калі Бог выдаляеццаз
гарызонту свету, ужо не можна гаварыць пра грэх. Калі засланіць сонца, знікаюць цені,
цень з'яўляецца толькі тады, калі ёсць сонца;таксама, калі засланіць
Бога, гэта непазбежна пацягне за сабой утойванне граху. Такім чынам, сэнс граху –
які не з'яўляецца тым жа, што "пачуццё віны", як бы не хацела
гэтага псіхалогія – становіцца зразумелым, калі нанава адкрыць пачуццё
Бога. Гэта выражае псальм "Miserere", аўтарства якога прыпісваецца каралю
Давіду, у сувязі з яго падвойным грахомчужалоства і забойства: "Супраць
цябе аднаго я зграшыў" (Пс 50 (51), 6) - кажаДавід, звяртаючыся
да Бога.
Ва ўмовах маральнага зла, Бог займае паставу
таго, хто выступае супраць граху і ратуе грэшніка. Бог не церпіць зла, таму што з'яўляецца
Любоўю, Справядлівасцю і Вернасцю; і менавіта таму не жадае смерці грэшніка, але хоча,
кабён навярнуўся і жыў. Каб выратаваць чалавецтва, Бог
не застаецца ў старане: мы назіраем гэта праз усю гісторыю яўрэйскага народа, пачынаючы
з вызвалення з Егіпта. Бог рашуча вызваляе сваіх дзяцей ад рабства, каб вывесці
іх на волю. Самым цяжкім і глыбокім рабствам з'яўляецца рабства граху. Вось чаму Бог
паслаў Сына Свайго ў свет: каб вызваліць людзей ад улады сатаны - "крыніцы і прычыныўсялякага граху".Ён паслаў Яго ў нашым смяротным целе, каб Ён
стаў ахвярай адкуплення, паміраючы на крыжы за нас. Гэтаму плану канчатковага і
ўсеагульнага збаўлення, д'ябал супрацьстаіць з усіх сіл, як паказвае гэта Евангелле
аб спакушэнні Езуса ў пустыні, якое чытаецца кожны год у Першую нядзелю Вялікага посту.
Уваход у гэты літургічныперыяд азначае, што кожны раз трэба зрабіць
выбар на карысць Хрыста супраць граху, гатоўнасць - і як асобы, і як
Касцёла – да духоўнай бітвы з духам зла (Папяльцовая серада, Калекта).
Таму будзем прасіць мацярынскай дапамогі Найсвяцейшай Панны
Марыі на нядаўна пачатым духоўным падарожжы, кабянопрынесла шчодрыя плёны навяртання. Аб спецыяльную малітоўную памяцьпрашу для мяне і маіх супрауоўнікаў з Рымскай курыі, бо сёння вечарам распачнёмтыднёвыя рэкалекцыі".
Пасля благаслаўлення і малітвы “Анёл
Панскі”, Святы Айцец запэўніў у сваёй малітве за ахвяраў трагічнага землятрусу і цунамі
ў Японіі. Бэнэдыкт XVI сказаў аб тым, што "велізарнае ўражанне зрабілі на ім вобразы
трагічнага землятрусу і цунамі ў Японіі. Я хацеў бы яшчэ раз - сказаў Папа - выказаць
маю духоўную блізкасці дарагім жыхарам гэтай краіны, якія з гонарам і смела супрацьстаяць
наступствам гэтых стыхійных бедстваў. Я малюся за ахвяраў і іх сем'і, і ўсіх тых,
хто пакутуе ад гэтых страшных падзей. Я хацеў бы падтрымаць асоб, якія з беспрэцэдэнтнай
гатоўнасцю прымаюць удзел у дапамозе. Давайце аб'ядноўвацца ў малітве. Пан побач з
намі!" - сказаў Бэнэдыкт XVI, развітваючыся з вернікамі.