Աստուծոյ Ներկայութիւնը Բնութեան Մէջ։

Մարդ արարածը աւելի ուշադիր պէտք է ըլլայ Աստուծոյ ներկայութեան բնութեան մէջ։ Մարդկային եսասիրութիւնը մեծ վնասներ բերած է արարչագործութեան, որով այլեւս հրամայական դարձած է բնութեան պաշտպանութիւնը, այսպէս կը կարդանք Պենետիկտոս ԺԶ Քահանայապետի պատգամին մէջ, Մեծ պահքի առթիւ, Պրազիլի եպիսկոպոսներուն ուղղուած։ Սրբազան Հայրը իր այս պատգամով կ'ընդգծէ բնապահպանութեան կարեւորութիւնը, առանց անոր մարդը դիւրաւ կը տարուի արհամարելու թէ իր անձը եւ թէ շրջապատը, որուն մէջ կ'ապրի։