Պենետիկտոս ԺԶ Սրբազան Քահանայապետի Գործունէութիւնը

Այս առաւօտ Նորին Սրբութիւնը իր գրասենեակի մէջ յաջորդաբար ընդունեց` Կարտինալ Ռօպէր Սարան` Նախագահը Գոր Ունում - Մէկ Սիրտ Քահանայապետական Խորհուրդի ։ Ապա ընդունեց Գերապայծառ Հէգթոր Վիտարդէ-ն Բերուի Եպիսկոպոսական Համահաւաք Դասի Նախագահը, հուսկ` Հայր Պրունօ Գատորէ-ն` Աբբահայրը Տոմէնիքեան միաբանութեան եւ Փրոֆ. Գլաուտիօ Մակրիսը ու անոր կողակիցը։ Իսկ Ժամը 12 ին Գոնչիսթորօ սրահին մէջ Սրբազան Քահանայապետը ունկնդրութիւն շնորհեց "Pro Petri Sede" Սուրբ Պետրոսի Աթոռի ի նպաստ գործող բարեսիրական մարմնի պելկիացի 45 անդամներուն, որոնց շնոհակալական խօսք մը ուղղեց իրենց տուած օժանդակութեան համար,որուն միջոցաւ - ըսաւ նորին սրբութիւնը - եկեղեցին կը հոգայ պահանջքները կարիքաւոր ժողովուրդներուն, ինչպէս՝ Հայիթիի ժողովուրդին։