МЗС Расіі заклікае хрысціянаў і мусульман Егіпта спыніць кровапраліцце
У Міністэрстве замежных
спраў Расіі спадзяюцца, што пасля сутыкненняў у Каіры, копты і мусульмане ўладкуюць
рознагалоссі мірным шляхам і не будуць правакаваць далейшае распаўсюджванне гвалту
ў рэгіёне. "Разлічваем, што дадзены інцыдэнт будзе ўрэгуляваны ў прававым рэчышчы,
у межах міжрэлігійнага дыялогу і ўзаемадзеяння", - гаворыцца ў паведамленні, размешчаным
на сайце знешнепалітычнага ведамства Расіі.
У выніку сутыкнення 9 сакавіка
паміж хрысціянамі-коптамі і мусульманамі ў Каіры, па папярэдніх дадзеных, 13 чалавек
загінулі і каля 100 атрымалі раненні.
У Маскве перакананыя, што забеспячэнне
грамадскай згоды і адзінства егіпцян мае асаблівае значэнне для поспеху пераўтварэнняў
і маштабных палітычных рэформ, якія ажыццяўляюцца ў цяперашні час у Егіпце.
"Падобныя
канфліктныя сітуацыі паміж хрысціянскай і мусульманскай супольнасцямі Егіпта ўзнікаюць,
на жаль, не ўпершыню. Як правіла, яны маюць пад сабой рознагалоссі на бытавой глебе",
- адзначае Міністэрства замежных спраў.
Як раней паведамляла “ВВС”, 9 сакавіка
сотні ўзброеных нажамі людзей напалі на дэманстрантаў на плошчы Тахрыр у цэнтры Каіра,
у ноч на сераду. Па словах відавочцаў, спачатку невядомыя патрабавалі, каб дэманстранты
працягнулі сядзячую забастоўку за межамі плошчы. Затым абодва бакі закідалі адзін
аднаго камянямі, у ход пайшлі нажы.