Në Japoni tërmeti shkakton 300 të vdekur e 89 të zhdukur. Shqetësime për centralet
bërthamore
Keqësohet çdo çast bilanci i tsumatit që provokoi tërmetin me magnitutë 8.9 të shkallës
Rihter që goditi sot Japoninë verilindore, përshirë edhe Tokion: sipas të dhënave
numri i viktimave është mbi 300 e madje thuhet se shkon edhe deri në 400, e 89 të
zhdukur.
Ndërsa sipas mjetev japoneze të informacionit, tërmeti ka shkaktuar
89 të vdekur e 349 të zhdukur në tërë Japoninë. Tërmet i fuqishëm që goditi gjatë
mëngjesit pjesën verilindore të Japonisë e posaçërisht provincën e Miyagit, ka bërë
edhe dëme të mëdha materiale. Katër stacione atomike në brigjet lindore të Honshu
janë mbyllur për shkak të tërmetit me 8.9 ballë, pohoi agjencia bërthamore e OKB-së.
Kujtojmë se tërmeti goditi në orën 6:46 me orën evropiane dhe është pasuar nga
një seri tërmetesh të tjerë të vegjël. Epiqendra e tij ishte 373 kilometra larg Tokios,
por banorët i ndjenë lëkundjet e fuqishme. Tërmeti plasariti ndërtesa e rrëzoi makinat
nga ujëra. Pjesë të dallgës së tsunamit vërshuan si llavë në tokat e mbjella, duke
futur në to varka dhe duke vënë përpara shtëpi e kamionë. Në Tokio turma njerëzish
u mblodhën nëpër rrugë dhe u përpoqën të lidheshin me të afërmit përmes telefonit.
Gjithashtu, tërmeti i shoqëruar nga tsunami ka shkaktuar ndërprerjen e energjisë në
pothuajse 4 milionë shtëpi në Tokio dhe në zonat përreth.
Televizionet japoneze
treguan se si pas tërmetit me magnitudë 8,8.makina dhe anije kishin përfunduar në
mes të qyteteve nën ujë në provincën e Miyagit e të Fukujamës. Zyrtarët japonezë
lajmërojnë për mundësinë që një valë e lartë gjashtë metra të godasë bregun në orët
e ardhshme. Nuk ka ende njoftime për viktima, por dëmet materiale janë të mëdha. Ushtria
është dërguar në terren për t’i ndihmuar rajonet e goditura nga tërmeti, ndërsa bilanci
i viktimave pritet të pësojë rritje.