Պենետիկտոս ԺԶ . Սրբազան Քահանայապետը Աւագ Ուրբաթ Օրը, Իտալիոյ Ազգային Հեռուստատեսիլի
Առաջին Կայանէն Պիտի Պատասխանէ Հեռուստադիտողներու Հարցումներուն։
Յայտագրին նիւթն է ՜՜Քրիստոսի դիմագիծը՝՝։ Ասիկա առաջին անգամն է որ Քահանայապետ
մը իր միջամտութիւնը կը բերէ հեռուստատեսիլի յայտագրի մը , պատասխանելով ուղղակի հետեւողներու
հարցումներուն։ Նախաձեռնութիւնը արդիւնքն է Իտալիոյ եպիսկոպոսաց համահաւաք դասին։ Մէկ
ժամ 20 վայրկեան տեւող յայտագիրին ընթացքին, Նորին Սրբութիւնը պիտի պատասխանէ հաւատացեալներու
հարցումներուն։ Յովաննէս Պօղոս Բ եւ Պենետիկտոս ԺԶ Քահանայապետները նախապէս իրենց միջամտութիւնները
բերած էին պատասխանելու միմիայն լրագրողներու հարցումներուն։