Егіпет: за апошнія 2 месяцы забіта 39 хрысціянаў і спалены 3 храмы

Па інфармацыі “Таварыства абароны прыгнечаных народаў”, з пачатку студзеня 2011 г. у Егіпце было забіта, як мінімум, 39 хрысціянаў і спалены 3 храмы.

Паводле дадзеных “BBC”, падчас апошніх сутыкненняў паміж хрысціянамі-коптамі і мусульманамі 8 сакавіка ў Каіры, больш за 10 асоб загінула і каля ста атрымалі раненні. Паліцыя пакуль не ўдакладняе, кім з'яўляліся загінуўшыя, коптамі ці мусульманамі.

Практычна ўсе напады на егіпецкіх коптаў або застаюцца беспакаранымі, або завяршаюцца занадта мяккім прысудам.