Prezantohet vëllimi i dytë i librit të Benediktit XVI “Jezusi i Nazaretit”.
Doli sot në librari, pjesa e dytë e librit të Jozef Ratcinger-Benediktit XVI “Jezusi
i Nazaretit”. Një libër i zemrës , që ilustron figurën dhe mesazhin e Jezusit nga
hyrja e tij në Jerusalem deri në Ngjallje, botuar nga Libraria Shtëpia Botuese e Vatikanit
e prezantuar sot pasdite pranë Sallës së Shtypit të Selisë së Shenjtë nga Prefekti
i Kongregatës së Vatikanit për Ipeshkvij, kardinali Mark Ojé dhe profesor Klaudio
Magris, shkrimtar e gjermanist i njohur. Pas katër vjetësh del vëllimi i dytë mbi
jetën e Jezusit shkruan nga Benedikti XVI. Kësaj herët ngjarjet e shqyrtuara kanë
të bëjnë me shtatë ditët më të rëndësishme të fesë së krishterë, me hyrjen e Jezusit
në Jerusalem deri në Ngjalljen e Tij. Papa deshi ta shkruante këtë vepër “në një mënyrë
që mund të jetë e dobishme për të gjithë lexuesit që duan ta takojnë Jezusin e të
besojnë në Të”. Libri pra fillon me hyrjen e Jezusin në Jerusalem, si
“mbret i paqes”. Ai nuk është revolucionar politik, “nuk mbështetët mbi dhunë”. Dhuna
është “vegël e preferuar e antikrishtit”. Në vijim, Papa ndalet posaçërisht te
fjalimi eskatologjik, te fjalimi i Jezusit mbi shkatërrimin e tempullit të Jerusalemit,
te Gjyqi i fundit e mbarimi i botës. Pastaj flet për larjen e këmbëve apostujve
nga ana e Jezusit, i cili zhveshët nga shkëlqimi i tij hyjnor për pastrimin e ndyrësisë
sonë. Pjetri e Juda, dy mënyra të ndryshme të reagimit ndaj dhuratës së
Jezusit, janë një tjetër temë që Papa trajton në këtë libër. Vijon kemi lutjen
meshtarake të Jezusit, ku Papa pohon se lartësimi i Jezusit Zot mbi Kryq përbënë
themelin e “ditës së Shëlbimit të botës” në të cilën e tërë historia “gjen kuptimin
e vet”: atë të pajtimit me Zotin. Në vijim Papa trajton edhe çështjen e datimeve
të ndryshme për Darkën e Mbramë në Sinoptikë e në Gjonin, duke u preferuar
versionin e Gjonit për këtë. Duke folur për Jezusin në kopshtin e Gjetsemanit,
Papa pohon se aty Ai përjetoi “humnerën e mëkatit”. Lëshohet plot besim në vullnetin
e Atit. Duke folur për procesin e Jezusit, Ati i Shenjtë Racinger nënvizon se vdekjen
e tij nuk e deshi “populli” i Hebrenjve si i tillë, edhe për arsye se Jezusi e vet
dishepujt e tij qenë hebrenj. Kush e akuzoi ishte aristokracia e tempullit. Në
vijim të librit, Papa flet për procesin e Jezusit para Pilatit e për domethënien
e së Vërtetës. Pastaj përshkruan kryqëzimin e Jezusit, ndalet te cubi apo
hajduti i mirë i kryqëzuar përkrah Mësuesit Hyjnor. Në Mundime të Jezusit,
e tërë ndyrësia e botës vihen në kontakt me Pastërtinë e jashtëzakonshme, dhe anulohet
e shndërrohet përmes dhembjes së dashurisë së pakufishme. Argumenti tjerë i librit
të Papës, është Ngjallja e Jezusit. Pa fenë në ringjallje, “feja e krishterë
është e vdekur”. “Vetëm nëse Jezusi është ngjallur ka ndodhur diçka me të vërtetë
e re që ndryshon botën dhe situatën e njeriut”. Më tej Papa përshkuan figurën
e Judës Tade dhe pyet pse Jezusi i është dëftuar vetëm disave, e pse me tërë fuqinë
e tij nuk i ka kundërshtuar armiqtë që e kryqëzuan?. “Është fjala pikërisht për misterin
e Zotit që vepron në mënyrë të heshtur, të pashqyrtueshme. Dalëngadalë në historinë
e njerëzimit Ai e ndërton historinë e vet.. Në kapitullin e fundit të librit, Papa
përshkruan gëzimin e dishepujve të cilët edhe pse Jezusi ngjitet në Qiell, “nuk
ndjehen të braktisur...Janë të sigurt se i Ngjalluri...pikërisht pse tani Ai është
i pranishëm në mesin e tyre në një mënyrë të re e të fuqishme”!. Në mbarim Benedikti
XVI i fton të gjithë të kenë besim në Jezusin, arsyeja e gëzimit tonë dhe nënvizon
se shpresa e të krishterëve, është ardhja e re e Jezusit në lavdi.