Papa: riti i rreptë i të përhimit thotë se në të sotmen vendosim të ardhmen
Duke komentuar gjestin liturgjik që besimtarët katolikët e bëjnë në fillim të kohës
liturgjike të Kreshmëve duke marrë “simbolin e rreptë të hirit”, Papa shpjegoi se
ky rit i “ bekimit të hirit e vënies mbi kokën tonë është shenjë që na kujton kushtet
tona prej krijesash njerëzore, na fton në pendesë e në përforcimin e angazhimit të
kthimit tonë për ndjekur gjithnjë më tepër Zotin”. Kështu pohoi sot paradite Benedikti
XVI, gjatë audiencës së përgjithshme mbajtur në Vatikan në ditën e së Mërkurës së
Përhime. “Në veprat liturgjike – nënvizoi Papa – Krishti bëhet i pranishëm e përmes
veprës së Shpirtit Shenjt ato ngjarje shpëtimprurëse bëhen aktuale”. E vërtet
“kemi një fjalë-kyçe që përdoret shpesh në Liturgji për të treguar këtë: Fjalën sot;
e ajo duhet kuptuar në domethënien origjinale e konkrete, jo metaforike. Sot Zoti
zbulon e tregon ligjin e tij e na takon neve të zgjedhim sot mes së mirës e së keqes,
mes jetës e vdekjes; sot Mbretëria e Zotit është afër. Kthehuni e besoni Ungjillit;
sot Krishti ka vdekur mbi Kalvar e është ngjall prej së vdekurish; është ngrit në
qiell e ulët në të djathtën e Atit; sot na është dhuruar Shpirti Shenjt; sot është
koha e volitshme”. “Të marrësh pjesë në Liturgji – vijoi Benedikti XVI duke iu
drejtuar mbi 8 mijë besimtarëve të pranishëm në Sallën e Palit VI në Vatikan për Audiencën
e Përgjithshme – do të thotë të zhytësh me jetën personale në misterin e Krishtit,
prania e tij e përhershme, përshkimi i udhës përmes së cilës hyjmë në vdekjen e ngjalljen
e tij për të pasur jetën”.