2011-03-05 14:26:03

இந்த பிப்ரவரியில் உலக அளவில் அடிப்படை உணவுப் பொருட்களின் விலை அதிகம்


மார்ச்05,2011. சர்க்கரை, தானியங்கள், சமையல் எண்ணெய்கள் போன்ற அடிப்படை உணவுப் பொருட்களின் விலை உலக அளவில் இந்த பிப்ரவரியில் மிகவும் அதிகரித்திருந்ததாக FAO என்ற ஐ.நா.வின் உணவு மற்றும் வேளாண்மை நிறுவனம் கூறியது.
15 வளரும் நாடுகளில் உணவுப் பொருட்களின் விலையேற்றத்தையொட்டி புரட்சிகள் வெடித்த 2007ம் ஆண்டு கடைசியிலும், 2008ம் ஆண்டு தொடக்கத்திலும் இருந்ததைவிட இந்த பிப்ரவரியில், அரிசியைத் தவிர மற்ற உணவுப் பொருட்களின் விலை மிக அதிகமாக இருந்ததாக அந்நிறுவனம் கூறியது.
இந்த 2011ம் ஆண்டிலும் உணவுப் பொருட்களின் விலை தொடர்ந்து அதிகரிக்கும் என்றும் FAO நிறுவனம் கணித்துள்ளது.
இந்தப் பிரச்சனையால் 2009ல் சுமார் 85 கோடிப் பேர் கடும் பசியால் வாடினர், தற்போது இவ்வெண்ணிக்கை 90 கோடியாக இருக்கின்றது என்று இந்நிறுவனத்தின் வட அமெரிக்க அலுவலக இயக்குனர் Daniel Gustafson கூறினார்.
இந்த விலைவாசி ஏற்றத்திற்குக் கடந்த ஆண்டில் இரஷ்யாவில் ஏற்பட்ட கோடை வறட்சி, ஆஸ்திரேலியாவில் ஏற்பட்டக் காட்டுத் தீ உட்பட கடும் வெப்பநிலை மாற்றங்களே காரணம் என்றார் Gustafson.







All the contents on this site are copyrighted ©.