Руская Праваслаўная Царква налічвае больш за 150 мільёнаў вернікаў.
Юрысдыкцыі Маскоўскага
Патрыярхату падлягае ў цяперашні час больш за 150 мільёнаў вернікаў, якія жывуць ў
больш чым 60 краінах свету. Руская Праваслаўная Царква мае 164 дыяцэзій, 30675 парафій
ў Расіі і ў краінах былога Савецкага Саюза, 805 манастыроў, 217 біскупаў, і ў душпастырстве
працуе больш за 30 тысяч святароў і дыяканаў.
Гэтыя і многія іншыя дадзеныя
былі прадстаўленыя 2 сакавіка на сустрэчы са студэнтамі Парыжскага Інстытута палітычных
даследаванняў Кіраўніком Адзела знешніх царкоўных сувязяў Маскоўскага Патрыярхату
мітрапалітам Іларыёнам.
На сустрэчы ён падкрэсліў, што “важным напрамкам дзейнасці
Праваслаўнай Царквы ёсць супрацоўніцтва з Рымска-каталіцкім Касцёлам”. “У апошнія
гады нашыя адносіны аднавіліся. Гэта тычыцца як кантактаў Маскоўскага Патрыярхату
з Апостальскай Сталіцай так і адносін з каталіцкімі суполкамі ў розных краінах.
Паказальным прыкладам гэтага з’яўляецца супрацоўніцтва з Каталіцкім касцёлам у Францыі,
які ў прыватнасці, падтрымаў адкрыццё Духоўнай семінарыі пад Парыжам”- сказаў іерарх.
На
яго думку абодва Касцёлы маюць тую ж самую пазіцыю па пытаннях “лібэральнага секулярызму,
сацыяльнай і эканамічнай этыкі, глабалізацыі, сям’і і дэмаграфіі”.
Мітрапаліт
Ілярыён адзначыў, што Руская Праваслаўная Царква падтрымлівае кантакты з пратэстанцкімі
Цэрквамі, але адносіны з некаторымі з іх у апошні час “сталі халоднымі”. “Гэта таму,
што ў пытаннях тэалогіі, эклезіялогіі і маральных навук многія пратэстацкія суполкі
пераходзяць ў свецкую ідэалогію”, - сказаў мітрапаліт Іларыён.