20 vjetori i fillimit të emigracionit nga Shqipëria në Otranto. Ambasadori Shqipërisë
pranë Italisë, zoti Llesh Kola
(03.03.2011 RV)Këtë vit, përkujtohet 20 vjetori i fillimit të emigracionit
nga Shqipëria, apo më mirë të themi, i eksodit të shqiptarëve, gjatë viteve ’90, vitet
e rënies së regjimit komunist. Pikërisht sot me 3 mars, në orën 16.30, qyteti
e kryeipeshkvija e Otrantos në Itali i kujtoi me një procesion me qirinj, që mbahet
nga Sheshi i heronjve, afër Portit të Otrantos për të përfunduar në Qendrën “Don Tonino
Bello”. Aty, e gjithë bashkësia kishtare e qytetare, nën udhëheqjen e kryeipeshkvit
të Otrantos, imzot Donato Negro u mblodh në lutje e reflektim për ata burra e gra,
që me rrezik jete e me mjete lundrimi, që mund të konsiderohen thjesht “kaike”, mbërritën
në brigjet italiane. Shumë prej tyre, akoma sot jetojnë në Otranto e në qytete të
tjera të Italisë, duke kontribuar në zhvillimin e vendit fqinjë, por edhe duke ndihmuar
familjet në Shqipëri. Në Otranto, shqiptarët kanë mbërritur në mënyrë sporadike,
në grupe të vogla, sidomos duke u nisur nga Vlora, vetëm dy orë lundrim nga qyteti
puljez. Shumë mbetën rrugës, pa arritur kurrë në tokën e premtuar. Eksodi në kuptimin
e vërtetë të fjalës, filloi më 7 mars 1991, kur anija “Legend”, e njohur si “anija
panameze”, solli në Brindizi 5 mijë shqiptarë. Në mikrofonin tonë Ambasadori
Shqipërisë pranë Italisë, zoti Llesh Kola.........