Нікаля Сарказі заклікаў да ўсенароднага абмеркавання ісламскай праблемы
Прэзідэнт Францыі
Нікаля Сарказі заклікаў да усенароднага абмеркавання ісламскай праблемы. Нацыянальныя
дэбаты плануецца правесці ў красавіку, яны будуць накіраваны на вывучэнне грамадскай
думкі па пытаннях, якія тычацца існавання ісламу і мусульман у дзяржаве, перадае агенцтва
“ZENIT”.
Па словах Сарказі ўплыў ісламу, прысутнасць якога ў грамадстве расце,
нельга ігнараваць. Ужо цяпер у Францыі пражывае больш за 10% мусульманаў. Партыя Сарказі
“Саюз за народны рух” запланавала на 5 красавіка прыняцце канвенцыі, якая мае на мэце
рэгуляваць парадак правядзення “публічных набажэнстваў”, у першую чаргу гэта будзе
тычыцца ісламскіх рытуалаў, якія ў апошні час усё часцей сталі праходзіць на вуліцах
Парыжа і іншых гарадоў нібыта з-за таго, што ім не хапае месца ў мячэцях.
У
сваім звароце да дэпутатаў, прэзідэнт Францыі звярнуў увагу на “прорву, якая расце
паміж тым ісламам, які фарміруецца ў грамадскай свядомасці праз пасрэдніцтва СМІ,
і тымі асцярогамі, якія існуюць у рэальнасці французаў”.
Сарказі адзначыў,
што, пачынаючы з 80-х гадоў прошлага стагоддзя, у Францыі ігнараваліся праблемы іміграцыі,
і гэта мела неспрыяльныя наступствы. “Гэта пытанне мела статус “табу“. Цяпер падобная
сітуацыя існуе з праблемамі ісламу”, - заявіў прэзідэнт Францыі. Ён таксама запатрабаваў
ад дэпутатаў канкрэтных прапаноў адносна дэталёвай заканадаўчай прапрацоўкі таго,
дзе і як можна здзяйсняць малітоўныя сходы на вуліцы.
Як паведамляе агенцтва
“ZENIT”, нягледзячы на так радыкальныя заявы, некаторыя палітолагі мяркуюць, што цяперашняга
прэзідэнта і яго партыю хвалююць не столькі праблемы ісламу ў Францыі, колькі маючыя
адбыцца выбары ў 2012 г. А падобныя заявы і заклікі - толькі спроба напярэдадні выбараў
разыграць “нацыянальную карту”.