Мітрапаліт Мадрыда ўзначаліў іспанскі епіскапат

1 сакавіка Кардынал Антоніо Марыя Роуко Варэла ў чацвёрты раз быў абраны старшынёй іспанскай біскупскай канферэнцыі. Выбары адбыліся ў ходзе пленарнага пасяджэння ў Мадрыдзе. Віцэ-старшынёй быў пераабраны біскуп Рыкарда Пэрэс Бласкэс Більбао.

У жніўні гэтага года папа Бэнэдыкт XVI прыбудзе ў Мадрыд на Сусветныя дні моладзі, у якіх прыме ўдзел каля аднаго мільёна чалавек. Гэтай падзеі кардынал Роуко Варэла прысвяціў большую частку сваёй прамовы, пачынаючай пленарнае пасяджэнне епіскапату Іспаніі.

Па словах кардынала сацыяльныя сеткі і крызіс сацыяльна-палітычных, культурных і этычных адносін вядзе маладых людзей да пачуцця пустаты і няўпэненасці. "Прывабнасць сацыяльных сетак спрыяе віртуальнаму ладу жыцця, які - парадаксальна – забірае магчымасць сустрэч і рэальных асабістых адносін", - сказаў кардынал Роуко Варэла. У гэтым кантэксце, "неабходнае супрацоўніцтва паміж сям'ёй, парафіяй і школай для навучання дзяцей і моладзі ў веры і праўдзе пра чалавечую любоў", якая з'яўляецца "ключом да сталасці маладых людзей як асоб і, такім чынам, прыносіць агульную карысць грамадству ў цэлым". Паводле кардынала Роуко Варэла, дзяржава абавязана падтрымліваць сям'ю, заснаваную на шлюбе паміж мужчынам і жанчынай, але ніколі не можа захапіць права заняць месца гэтых двух інстытутаў, неабходных для развіцця асобы.

20 жніўня гэтага года кардыналу Антоніо Марыя Роуко Варэла споўніцца 75 гадоў.