Бэнэдыкт XVI здзейсніў шэраг персанальных зменаў у Касцёле
1 сакавіка Святы Айцец
здзейсніў шэраг персанальных зменаў у кіраўніцтве Каталіцкага Касцёла. Так біскупам
дыяцэзіі Хунг Хоа (В'етнам) Папа прызначыў Яго Эксцэленцыю Жана-Марыю Ву Тат, раней
дапаможнага біскупа той жа дыяцэзіі, а Біскупам дыяцэзіі Да Лат (В'етнам), Яго Эксцэленцыю
Антуана Ву Хуі Чонга, які да гэтага часу з'яўляўся Біскупам Хунг Хоа.
Святы
Айцец здзейсніў таксама шэраг зменаў у Сіра-каталіцкай Царкве. Ён прыняў адстаўку
з пасады Апостальскага Экзарха для вернікаў сірыйцаў, якія пражываюць у Венесуэле,
біскупа Аваніса Луі Авада, у адпаведнасці з канонам 210 §§ 1-2 Кодэкса кананічнага
права Усходніх Цэркваў, і прызначыў на гэту пасаду хорепіскапа Хікмата Бейлуні.
Бэнэдыкт
XVI даў сваю згоду на прызначэнне кананічна абраных Сінодам Біскупаў Патрыяршай Сіра-каталіцкай
Царквы насіупных іерархаў: хорепіскапа Бутраса Мошэ на пасаду Арцыбіскупа Масула,
якая была вакантнай пасля адстаўкі Арцыбіскупа Жоржа Касмусы; хорепіскапа Юсіфа Аббы,
канцлера Сіра-каталіцкай епархіі Злучаных Штатаў Амерыкі і Канады, на пасаду Сіра-каталіцкага
Арцыбіскупа Багдада, вакантную пасля сыходу ў адстаўку Арцыбіскупа Атанаса Маці Шабы
Матокі; а таксама Джыхада Батаха на Біскупа Сіра-каталіцкай Патрыяршай курыі.
Святы
Айцец прыняў адстаўку Яго Эмінэнцыі кардынала Роджэра Махоні з пасады Арцыбіскупа
Лос-Анджэлескага (ЗША), у адпаведнасці з канонам 401 § 1 Кодэкса кананічнага права
і прызначыў на гэту пасаду Яго Эксцэленцыю Хосэ Гомеса, да гэтага часу каадъютара
гэтай жа архідыяцэзіі.