Qëllimi i lutjes së Papës për marsin Amerika Latine t’i qëndrojë besnike Ungjillit
e të përparojë në drejtësinë shoqërore e në paqe.
Të lutemi “që kombet e Amerikës Latine të mund të ecin në besnikërinë e tyre ndaj
Ungjillit e të përparojnë në drejtësinë shoqërore e në paqe”: ky pra është qëllimi
apo nijeti i lutjes së Atit të Shenjtë Benediktit XVI për muajin mars e për çka i
kërkon të gjithë besimtarëve t’i lutën Zotit në mënyrë të posaçme në uratë e tyre
të përditshme.
Një binom, ai i besnikërisht ndaj Ungjillit dhe i drejtësisë
shoqërore, që ka qenë në qendër të udhëtimit apostolik të Papës në Brazil, në maj
të vitit 2007 me rastin e Konferencës së V të përgjithshme të episkopatit të Amerikës
Latine e të Karaibeve.
Amerika Latine ka nevojë për të krishterë që janë besnik
ndaj Ungjillit për të përballuar problemet e shumta që e rëndojnë Kontinentin: kjo
është thirrje e pareshtur që Papa bënë në raste të takimeve me episkopatet e Vendeve
të Amerikës Latine. Një këshillim ky që Ati i Shenjtë Racinger ripohoi, me forcë,
gjatë takimit të tij me Komision it Papnor për Amerikën Latine:
“Për të
ardhmen e Kishës në Amerikën Latine e në Karaibe – nënvizon – është më rëndësi që
të krishterët të përforcojnë e të kenë stilin e jetës së tyre siç e kishin dishepujt
e Jezusit: të thjeshtë e të hareshëm, me fe të patundur e të rrënjosur në pjesën më
të thellë të zemrës e të ushqyer me lutje e me sakramente”. (Audienca me Komisionin
Papnor për Amerikën Latine, 20 janar 2007).
Edhe si përgjigje ndaj lulëzimit
të sekteve e lëvizjeve pseudo fetare, Papa kërkon prej katolikëve të Amerikës Latine
të bëjnë që mesazhi ungjillor ti “ujit rrënjët e kulturës”. Dhe nënvizon se si besnikëria
ndaj Krishtit është garancia më e mirë për të mbrojtur dinjitetin njerëzor, drejtësinë
shoqërore e bashkëjetesën paqësore:
“Duhet të njohim e të mbrojmë gjithmonë
dinjitetin e çdo qenie njerëzore si kriter themelor i projekteve shoqërore, kulturore
dhe ekonomike, që ndihmojnë në ndërtimin e historisë sipas planit të Zotit” (Audienca
me Komisionin Papnor për Amerikën Latine, 20 janar 2007).