Камісія ЗША асудзіла акты гвалту супраць хрысціянаў у Егіпце
Камісія ЗША па рэлігійнай
свабодзе ў свеце (USCIRF) настойвае на захаванні справядлівасці ў выпадках антыхрысціянскіх
выступленняў ў Егіпце, асабліва адносна выбуху ў Александрыі.
Некалікі дзён
таму Егіпецкі суд апраўдаў двух мужчын, якія падазраюцца ў забойстве шасці коптаў-хрысціян
і аднаго мусульманіна-ахоўніка ў студзені 2010 года ў Нага Хаммадзі. У святле палітычных
зменаў у Егіпце, сцвярджаецца ў паведамленні камітэта, “новае егіпецкае кіраўніцтва
павінна, з дапамогай судоў, раскрываць злачынствы на рэлігійнай глебе ў краіне”, “ўрад
павінен давесці да канца расследаванне і судовыя працэдуры і прыцягнуць да адказнасці
вінаватых у пераднавагоднім выбуху ў Александрыі, у выніку якога загінула 23 чалавекі”.
У прэс-рэлізе USCIRF, незалежнай, двухпартыйнай федэральнай камісіі ўрада,
сказана, у прыватнасці, што “на працягу многіх гадоў егіпецкі ўрад не прыняў дастатковых
мер, каб спыніць рэпрэсіі і дыскрымінацыю ў адносінах да хрысціянаў і іншых вернікаў,
а таксама, у многіх выпадках, для пакарання асоб, адказных за гвалт або іншыя сур'ёзныя
парушэнні свабоды веравызнання”.
Камісія падкрэсліла, што егіпецкі ўрад павінен
устанавіць адзіны закон аб будаўніцтве і ўтрыманні месцаў культу, скасаваць забароны
для рэлігійных меншасцяў, а таксама адмяніць закон аб блюзнерстве ў Егіпце.