Сённяшнее выданне
“L’Osservatore Romano змяшчае выказванні кардынала Марка Уэлле, прэфекта Кангрэгацыі
па справах Біскупаў, аб антрапалогіі хрысціянства. “Сёння мы гаворым аб крызісе антрапалогіі.
З аднаго боку, пануе атмасфера этычнага рэлятывізму, які мае вялікі ўплыў на выхаванне
маладога пакалення. З іншага боку, імкненні да любові і свабоды, на жаль, памылкова
выражыюцца ў індывідуалізме і геданізме. Нашае грамадства нараджае шмат самотных асоб,
якія не маюць адвагі ўступіць ў шлюбны саюз, каб стварыць сям’ю”. Піша каталіцкі іерарх.
“Гэтая
няўпэўненасць сэрца- піша кардынал Уэлле- мае карані ў глыбокім недамаганні, якое
папа Бэнэдыкт ХVI апісаў, як “унутраную пустыню, якая нараджаецца там, дзе чалавек
жадае сам быць гаспадаром свайго лёсу і прызначэння, дзе ён пазбаўлены таго, што складае
аснову ўсіх рэчаў”. Кардынал Уэлле падкрэслівае, што Святы Айцец паўтарае гэтае пасланне
з самага пачатку свайго пантыфікату: “Вялікай праблемай Захаду- кажа Папа- з’яўляецца
забыццё Бога: забыццё, якое пашыраецца”.
На думку кардынала Уэлле “асноўным
выклікам новай евангелізацыі з’яўляецца абвяшчанне Бога надзейным і дарэчным спосабам”
. “Я перакананы ў тым, што новая евангелізацыя павінна аб’яўляць новую антрапалогію
хрысціянства, якая мае свае карані з Трыадзінай таямніцы. Пошук шчасця, які ёсць
у чалавечым сэрцы, яго патрэбы і асабліва яго імкненні да свабоды, застаюцца незразумелымі
з-за адсутнасці Бога, які ёсць Любоў, і які для любові і праз любоў стварыў чалавека
паводле Свайго вобразу і падавенства”- адзначыў кардынал.
Гэтая трынітарная
антрапалогія, паводле кардынала Уэлле, засталася практычна забытая на працягу стагоддзяў.
Яна займала цэнтральнае месца у навучанні айцоў Касцёла, але знікае ў сучасную эпоху.
Гэта прывяло да атэізму. Сёння заходнія сэкулярызаваныя грамадствы няўхільна спускаюцца
ў заняпад, бо не шукаюць сваіх каранёў у хрысціянскай традыцыі. Яны адновяць свае
сілы тады, калі чэрпаючы з Евангелля, захочуць стацца людзьмі, якія трываюць у глыбокім
адзінстве з Богам у Хрысце”.- заканчывае свой артыкул кардынал Уэлле.