Պենետիկտոս ԺԶ Քահանայապետը նշանակեց գերապայծառ Եուրքովիչը որպէս առաքելական դեսպան
Դաշնակցային Ռուսիոյ մօտ։ 58-ամեայ սլովեն դիւանագէտը նախապէս կը պաշտօնավարէր Ուկրանիոյ
հանրապետութեան մօտ որպէս առաքելական դեսպան, ան սահուն կերպով 8 լեզուներ կը խօսի ներառեալ
ռուսերէնը։ Ան կը յաջորդէ գերապայծառ Մեննինիին, որ 8 տարի Մոսկուա պաշտօնավարեց եւ այժմ
առաքելական դեսպանը է Լոնտոնի մէջ։
Իսկ Գերապայծառ Էտուարտ Ժոզէֆ Ադամսը նշանակուեցաւ
Յունաստանի նոր առաքելական դեսպան։ Ան մինջեւ օրս կը պաշտօնավարէր որպէս Փիլիպպեան կղզեխումբի
առաքելական դեսպան։
Անցեալ 22 փետրուարին Նորին Սրբութիւնը Գերապայծառ Ժոզէֆ
Գալաթիբարամպիլը` Հնդկաստանի Կալկաթայի երբեմնի եպիսկոպոսը` անուանեց որպէս Ապաստանեալներու
եւ փախստականներու Քահանայապետական Խորհուրդի նոր Քարտուղար։ Գերապայծառ Ժոզէֆ Գալաթիբարամպիլը
ծագումով հնդիկ է` ծնած է 1952ին։ Քահանայ ձեռնադրուած է 1978ին։ 2002էն ի վեր ան Կալկաթայի
եպիսկոպոսն էր։