Papa priti në Vatikan presidentin e Libanit Sleiman e kërkoi zgjidhje urgjente të
konflikteve në Vendet arabe
Benedikti XVI priti sot paradite në Vatikan presidentin e Libanit Michel Sleiman.
Presidenti më pas është takuar me sekretarin e Shtetit të Vatikanit, kardinalin Bertone
e sekretarin për Marrëdhëniet me Shtetet, imzot Mamberti. “Gjatë bisedimeve të
përzemërta – njofton një deklaratë e Sallës së Shtypit të Vatikanit - është nënvizuar
se Libani, në saje të pranisë së bashkësive të ndryshme të krishtera e myslimane që
ka, përfaqëson një mesazh lirie e bashkëjetese paqësore jo vetëm për Rajonin por edhe
për botën mbarë. Në këtë kontekst promovimi i bashkëpunimit dhe i dialogut ndërmjet
bashkësive fetare po tregohet gjithmonë e më i domosdoshëm. Prandaj është nënvizuar
rëndësia e angazhimit të Autoriteteve civile dhe fetare për edukimin e ndërgjegjes
për paqe e pajtim si dhe është shpreh urimi që formimi i qeverisë së re libaneze të
favorizon stabilitetin aq të dëshiruar nga Kombi, që është i thirrur të përballet
me sfida të brendshme e ndërkombëtare të rëndësishme”. Gjatë bashkëbisedimeve më
tej “është fol edhe mbi situatën në Lindje të Mesme, me një referim të posaçëm ndaj
ngjarjeve të fundit në disa Vende arabe, dhe është shpreh bindja e përbashkët për
zgjidhjen urgjente të konflikteve të hapura në Rajon. Së fundit, një vëmendje e
veçantë i është kushtuar situatës të të Krishterëve në mbarë rajonin dhe kontributit
që ata mund të ofrojnë për të mirën e mbarë shoqërisë”.