ЗША: памёр доктар Бернард Натансон - абаронца жыцця
У Нью-Ёрку ва ўзросце
84 гадоў памёр доктар Бернард Натансон – навернуты абарцыяніст, абаронца жыцця. Гэты
вядомы гінеколаг, на працягу шматлікіх гадоў упэўнены атэіст, які бароўся ў пачатку
70-х гадоў мінулага стагоддзя за легалізацыю абортаў у ЗША, на працягу больш за 40
апошніх гадоў выступаў супраць забойства ненароджаных дзяцей і быў актыўным членам
руху pro-life. Дзякуючы зробленаму ім фільму "Нямы крык", у якім паказаў як на самой
справе выглядае аборт, многія людзі ва ўсім свеце, у тым ліку ўрачы, змянілі свае
погляды на аборты.
Перш чым стаць абаронцам жыцця, доктар Натансон кіраваў
прыкладна 75 тысячамі абортаў. Асабіста, як ацэньваў, зрабіў іх каля 5 тысяч, у тым
ліку сваёй дзяўчыне, якая была цяжарная ад яго. Ён быў адным з заснавальнікаў і кіраўнікоў
NARAL, найбуйнейшай у ЗША арганізацыі, якая прапагандуе забойствы ненароджаных.
Як
адзначаў у сваіх мемуарах, да змены рэлігіі яго схіліла пастава і малітва многіх католікаў,
якія дазволілі яму паверыць, што "дзве тысячы гадоў таму Нехта ахвяраваў за яго сваё
жыццё".