У Маскоўскі Патрыярхат станоўча аб сустрэчы Бэнэдыкта XVI з Мядзведзевым
У Рускай Праваслаўнай
Царкве выказалі задавальненне ў сувязі з сустрэчай, якая адбылася 16 лютага ў Ватыкане
паміж папам Бэнэдыктам XVI і Прэзідэнтам Расійскай Федэрацыі Дзмітрыем Мядзведзевым.
"Сустрэча Прэзідэнта Расіі з Папам - гэта сустрэча двух кіраўнікоў дзяржаў,
якая прысвечана пытанням міждзяржаўнага і міжнароднага супрацоўніцтва. Трэба адзначыць,
што мы задаволеныя тым, што гэтая сустрэча адбылася ў кантэксце станоўчай дынамікі
ў адносінах Рускай Праваслаўнай і Рымска-каталіцкай Цэркваў", - заявіў карэспандэнту
"Інтэрфакс-Рэлігія" намеснік кіраўніка Сінадальнага Аддзела знешніх царкоўных сувязяў
протаіерэй Мікалай Балашоў.
Ён указаў на тое, што дзве Царквы "паспяхова супрацоўнічаюць,
асабліва ў такіх пытаннях, як адстойванне правоў вернікаў на рэлігійна матываваную
пазіцыю ў грамадстве і сацыяльную дзейнасць, абарону духоўных і маральных каштоўнасцяў
хрысціянскай традыцыі, прыцягненне ўвагі еўрапейскага грамадства да хрысціянскіх каранёў
еўрапейскай цывілізацыі".
Па словах святара, Руская Праваслаўная і Рымска-каталіцкая
Царква "вядуць адкрыты дыялог аб існуючых праблемах". Гэта той кантэкст міжцаркоўных
адносін, на фоне якога і адбылася сустрэча Прэзідэнта Расіі з Папам, якая з'яўляецца
падзеяй менавіта ў міждзяржаўных адносінах, дадаў протаіерэй Мікалай Балашоў.