'' Shock Wojtyła - Քահանայապետութեան Սկիզբ'' Խորագրով Գիրքի Ներկայացում։

Այսօր Չորեքշաբթի 16 Փետրուարի յետ միջօրէին՝ Հռոմի Ս. Բարթողոմիոսի անուան եկեղեցւոյ մէջ տեղի կ՝ունենայ ներկայացումը << Shock Wojtyła - Քահանայապետութեան սկիզբ>> խորագրով գիրքին, որուն հեղինակն է՝ իտալացի պատմաբան Տոքթ. Մարքօ Իմբալիացցոն` նախագահը Սանդ Էճիտիօ կազմակերպութեան։ Ներկայացումը կը կատարեն Կարտինալ Ճիովաննի Պաթթիսթա Րէ, Սուրբ Աթոռի մօտ Լեհաստանի Դեսպանը` Հաննա Շուքովա, Վատիկանի մամլոյ գրասենեակի երբեմնի տնօրէնը՝ Ժոհագին Նավարրօ Վալս, Սանդ Էճիտիօ՝ կազմակերպութեան հիմնադիրը Ատնրէա Րիքքարտին, եւ Լիմէս թերթի տնօրէնը՝ Լուչօ Գարաչիոլոն։
Նշենք որ գիրքին հեղինակը Տիար Մարքօ Իմբալիացցոն անցեալ յունուարին Հռոմի հայ Համայնքի խորհուրդին կողմէ պարգեւատրուեցաւ Հրանդ Տինքի նուիրուած ՜՜Խօսքի եւ մտքի ազատութեան՝՝ մրցանակին։