“L’Ossеrvatore Romano”: кардынал Пьячэнца аб цэлібаце святароў
Кардынал Маўро Пьячэнца,
прэфект Кангрэгацыі па справах Духавенства, нагадвае ў сённяшнім выданні ватыканскай
газеты “L’Osservatore Romano” найбольш важныя прамовы і дакументы папы Бэнэдыкта ХVI
на тэму цэлібату святароў. Кардынал Пьячэнца пачынае з апостальскай постсінадальнай
адгартацыі “Sacramentum caritatis” ад 22 лютага 2007 года, у якой Святы Айцец падкрэслівае
“адносіны паміж цэлібатам і Эўхарыстыяй”.
Кардынал піша: “калі гэтая тэалогія
будзе прынята належным чынам і сапраўды будзе ўведзена ў жыццё Касцёла, будучыня цэлібату
будзе светлай і плённай, таму што будзе будучыняй свабоды і святасці святароў. Такім
чынам, мы можам казаць не толькі аб “абранніцкай прыродзе” цэлібата, але і аб яго
“эўхарыстычным характары”, які вынікае з ахвяры, якую Хрыстус увесь час дае з Сябе
для Касцёла і якая відавочным чынам адлюстроўваецца ў жыцці святароў”.
Кардынал
Пьячэнца таксама адзначае шматлікія выступленні Бэнэдыкта ХVI на гэту тэму ў часе
нядаўняга Году святарства. На заканчэнне кардынал сцвярджае: “як бы Касцёл мог жыць
без мужчын, гатовых пацвердзіць у цяперашні час, таксама і перш за ўсё праз уласнае
цела, рэчаіснасць Бога? Гэтыя сцверджанні знайшлі ажыццяўленне і ў пэўным сэнсе ўвянчэнне
ў надзвычайнай гаміліі на заканчэнне Году святарства, у якой папа Бэнэдыкт ХVI маліўся,
каб мы, як і Касцёл, былі свабоднымі ад меншых сканадалаў, каб здзейсніўся сапраўдны
“скандал гісторыі”, якім ёсць Езус Хрыстус”.