Асабісты сакратар Папы стаў доктарам “Honoris causa”
15 лютага Універсітэт
для іншаземцаў у Перуджы (Італія) прысвоіў ступень доктара “Honoris causa” у сферы
міжнародных адносінаў кс. прэлату Георгу Генсвайну, асабістаму сакратару папы Бэнэдыкта
ХVI.
Монсіньёр Генсвайн, дзякуючы за атрыманы дактарат, сказаў што гэта вялікі
гонар для яго быць узнагароджаным Універсітэтам у Перуджы. “Я асабліва ўдзячны гэтаму
паважанаму ўніверсітэту, які мне адкрыў дзверы да высакароднай італьянскай душы праз
яе прыгожую мову і ўзбагаціў мае веды аб гісторыі і культуры гэтай любімай краіны”,
- адзначыў ён.
На заканчэнне цырымоніі кс. прэлат Генсвайн падзякаваў усім,
“хто адкрыў яму вочы і сэрца на прыгажосць італьянскага паўвострава”.