Сусветная арганізацыя здароўя супраць рэкламы алкаголю
Сусветная арганізацыя
здароўя намагаецца “абмежаваць спажыванне алкаголю ў свеце”. Спецыяльны рапарт па
гэтым пытанні ўздымае праблему агрэсіўных формаў рэкламы алкаголю.
Адзін з
пунктаў рапарту адносіцца да маркетынгу, накіраванага на павелічэнне спажывання алкагольных
напояў. Сусветная арганізацыя здароўя заклікае краіны-члены ўважліва сачыць за рэкламай
алкагольнай прадукцыі, якая часцей за ўсё выкарыстоўвае моцныя інструменты, атакуючы
ў асноўным маладых спажыўцоў. Так, напрыклад, рэклама алкаголю ўжываецца ў кантэксце
спартыўных і культурных моладзевых мерапрыемстваў. Яна распаўсюджваецца таксама з
дапамогай новых каналаў: Інтэрнэту, кароткіх тэкставых паведамленняў (sms), усё больш
актыўна выкарыстоўвае спадарожнікавае тэлебачанне.
Сусветная арганізацыя здароўя
заклікае дзяржавы-члены ўзмацніць свой кантроль над зместам рэкламы, каб абмежаваць
яе прысутнасць у сродках масавай інфармацыі, а таксама забараніць яе сувязь са спортам
і забаўляльнымі мерапрыествамі.
Па дадзеных міжнародных экспертаў з-за злоўжывання
алкаголем у свеце памірае штогод 2,5 мільёны чалавек. Сярод іх усё больш і больш маладых
людзей.