Апостальскі нунцый у Егіпце: змена прэзідэнта гэта яшчэ не ўсё
Гістарычным момантам,
які можа стаць наступным крокам у напрамку стварэння мірнай і квітнеючай будучыні
Егіпта, назваў арцыбіскуп Майкл Фітцджэральд, Апостальскі нунцый у Егіпце, адстаўку
прэзідэнта Хосні Мубарака. Ватыканскі дыпламат выказаў надзею, што цяпер разпачнецца
час дзяржаўных палітыкаў, якія ў стане рэагаваць на грамадскія патрэбы і вырашыць
праблемы, якія прывялі да акцый пратэсту.
"Я думаю, што прэзідэнт Мубарак,
перш чым пайшоў у адстаўку, у некаторым сэнсе падрыхтаваў гэты момант, даручыўшы працу
над забеспячэннем канстытуцыйнай рэформы віцэ-прэзідэнту Амару Сулейману, - распавёў
нашаму радыё арцыбіскуп Фітцджэральд. - Я спадзяюся, - сказаў ён - што кіраўнікі егіпецкіх
ўзброеных сіл таксама пойдуць па гэтым шляху, і захочуць адказаць на чаканні людзей".
Па ўсім Егіпце пануе атмасфера радасці. Аднак, міжнародныя назіральнікі ўважліва
сочаць за “Мусульманскім брацтвам”, арганізацыяй, якая была ініцыятарам пратэстаў,
і роляй, якую яна можа граць у пабудове новай дзяржавы. Існуюць асцярогі, што гэта
арганізацыя будзе спрабаваць прыйсці да ўлады, імкнучыся да ісламізацыі Егіпта.